“Ажил гүйцэтгэх гэрээний төлбөр”, “Гэрээний дагуу үйлчилгээний төлбөр”, “Урсгал засварын ажил”, “Хэвлэх” гэх мэт нэрээр тодорхой нэр бүхий компаниудад удаа дараа өмнгө шилжүүлсэн баримт байна. Өөрөөр хэлбэл танил талынхаа компанийн дансаар мөнгө “гулсуулдаг” гэсэн үг. Тухайлбал, “Вайлд Резорт”, “Анади”, “Чөлөөт хэвлэл сан”, Монголын уул уурхайн үндэсний ассоциаци, “Түрүү гарав”, “Би Би Девепопмент” зэрэг компаниудаар мөнгө дамжуулан авдаг гэдгийг эх сурвалж хэллээ. Эдгээр компани нь хэдийгээр тогтвортой үйл ажиллагаа явулудаг С.Наранцогтод албан ёсны хамааралгүй ч түүнтэй хэтэвч холбогдсон учраас “нууц” хэмээн нэрийдэж байгаа юм.

С.Наранцогтын бүлэглэл “Чөлөөт хэвлэл сан”-гаар байнга мөнгө дамжуулан авдаг бөгөөд ганцхан баримт сөхөхөд 2024 оны хоёрдугаар сарын 16-ны өдөр “Хас” банкны 500 159 1175 тоот дансаар 13.400.000.00 төгрөг шилжүүлсэн бол “Элит” барилгын засварын үлэгдэл гэх 319.104.432.70 төгрөгийг 2024 оны дөрөвдүгээр сарын 17-ны өдөр “Хас” банкны 500 159 1175 тоот дансаар “Түрүү гарав” компанид шилжүүлжээ. Энэ компанид мөн олон удаа мөнгө шилжүүлсэн байдаг. Мөн байнга мөнгө шилжүүлдэг “Номэн дэлгэрэх” гэх халаасны компани байдаг аж. Энд зөвхөн нэг удаагийн гүйлгээг дурдахад 2024 оны гуравдугаар сарын 21-ний өдөр “Хас” банкны 500 159 1175 тоот дансаар 13.889.568.00 төгрөгийг гэрээний урьдчилгаа нэрээр шилжүүлжээ. Энэ компани руу байнга мөнгө шилждэг гэдгийг эх сурвалж хэлж байна.

С.Наранцогтын хамтарч байгаа компаниуд нь ч өөрсдөө удаа дараа хууль зөрчсөн байх жишээтэй. Тэгвэл, “Түрүү гарав” компани нь “Голомт” банкны тендерийн баталгааг хурамчаар үйлдсэн учраас нийслэлийн Худалдан авах ажиллагааны газраас гурван жилийн хугацаагаар худалдан авах ажиллагаанд оролцуулахгүй гэдгээ мэдэгдэж байв. Энэ мэт компаниуд руу мөнгө байнга шилжүүлдэг нь мөнгө угаах нэгэн арга гэхээс өөр яахав.

С.Наранцогтын багт байгаа нөхөд тендер хамна, албан тушаалын наймаа хийнэ, төсвийн мөнгөөр тансаглана, сүүлдээ бүр арга барилаа өөрчилж, ажил гүйцэтгэх гэрээ нэрээр нэр бүхий компаниуд руу мөнгө штлжүүлдэг болжээ.

С.Баяр