-“ҮНДЭСНИЙ ДАВХАР ДААТГАЛ” МАЛЧИН ТАНД МАЛ, ХӨРӨНГӨӨ ХАМГААЛУУЛЖ ДААТГУУЛААД ЗОГСОХГҮЙ БИЧИЛ ЗЭЭЛД ХАМРАГДАХ БОЛОМЖИЙГ НЭЭЖ ӨГСӨН-

​​​​​​​Намрын сарыг угтан хур бороо харамгүй асгаж байгаа ч нийт нутгийн 70 орчим хувьд нь гандуу зунжсан учраас айсуй өвөл цаг хатуурахыг Ус, цаг уур орчны байгууллагаас ч мэдээлж байна. Найр наадмын сарууд ч шувтарч, малчид маань өвс тэжээл, хадлан тариагаа базааж эхэлжээ. Хадлан тэжээлээс дутуугүй нэг зүйл бол малын индексжүүлсэн даатгал. Байгалийн давагдашгүй хүчин зүйл хэлж ирэхгүйгээс гадна ган зудын давтамж ойртсон, шинжээчид, мэргэжлийн байгууллагаас ирэх өвөл цаг хатуухан болно гэдгийг сануулах болсон энэ үед малаа даатгуулах нь юу юунаас чухал.

Тиймдээ ч “Үндэсний давхар даатгал” компани малчдаа эрсдлээ хамгаалах зорилго дор малын индексжүүлсэн даатгалыг амжилттай нэвтрүүлж, хугацааг нь энэ сарын 31-ний өдөр хүртэл сунгаж өгсөн. Тэгэхээр малчид маань энэ хэдэн өдөрт амжин, мал сүргээ даатгуулж, санаа амар өвлийг давах хэрэгтэй.

Нөгөө талаар “Үндэсний давхар даатгал” малчдад санхүүгийн зах зээлийн шинэ суваг нээх зорилгоор “Ард” санхүүгийн нэгдэл Банк бус санхүүгийн байгууллагатай хамтран даатгалд хамрагдсан малчдад гурван сая хүртэлх төгрөгийн бичил зээл олгохоор болсон. Гэхдээ энэхүү бичил зээл зөвхөн малын индексжүүлсэн даатгалд хамрагдсан малчинд хамаарна. Тодотговол, малчин Та мал сүргээ 500 мянган төгрөгөөс дээш мөнгөн дүнгээр даатгуулвал гурав хүртэлх сая төгрөгийн зээлийг гар утаснаасаа авч болох боломжийг нээж өгсөн. Малын бэлчээр, худаг усан дээрээс, тулганы захаасаа гээд хаанаас ч зээл авах шинэ суваг нээж өгсөн. Ингэхээр малчид маань нэгдүгээрт, мал хөрөнгөө хамгаалуулж, даатгуулчихаад өөртөө зээл авах бүрэн боломжтой болсон. Тиймээс малчин та наймдугаар сарын 31-ний өдөр хүртэл найм хоногт амжиж мал сүргээ даатгуулахад та эрсдлээс бүрэн хамгаалагдана. Хүн бүр амь нас, эрүүл мэнд, өмч хөрөнгөө хамгаалахын тулд учирч болох эрсдэлээс сэргийлдэг хэдий ч аливаа эрсдэл хэлж ирдэггүй хийсэж ирдэг. Энэ үед хүн сэтгэл санааны болон эд хөрөнгийн хохирол амсаж, түүнийг барагдуулах, даван туулахад тодорхой хэмжээний санхүүгийн дарамт үүсдэг. Ийм үед л “Үндэсний давхар даатгал” таныг эрсдлээс хамгаалъя, хамгаалаад ч зогсохгүй санхүүгийн шинэ шинэ эх үүсвэрийг санал болгож байгаа хэрэг. Тэгэхээр малчин та энэ хэдэн өдөрт буюу наймдугара сарын 31-ний өдрөөс өмнө амжиж амл сүргээ даатгуулж, хөрөнгөө хамгаалуулаад давхар зээлийнхээ эх үүсвэрийг ч нээгээд авах хэрэгтэй.

С.Баяр