Гадаад харилцаа хэмээх том салбарын сайдын албанд гурван засаг дамнан тухалж буй нь ардаа том татаастайг нь илтгэдэг. МАН-ынхан өөр зуураа “Номер нэгт ойрхон учраас энэ эмэгтэйг барах хүн байхгүй гэж жиг жуг хийдэг аж. Том татаастай учраас цаашдаа ч гадаад харилцааны салбараас буухгүй, бүр том албанд ч очиж магадгүй гэсэн шум дуулддаг юм билээ.
Гадаад харилцааны чиглэлээр дотооддоо сурч диплом авснаас хэтрээгүй түүнд гадаад харилцааны салбарт ажилласан ямар ч туршлага байхгүйг ахин онцолъё. Мэдлэг, туршлага нь хүрэхгүй учраас АНУ, Европын улсууд гэх мэт гуравдагч хөршийн том гүрнүүдтэй харилцах чадамж нь дутаж, хөгжил буурай “стан”-уудаар Ерөнхийлөгчийг айлчлуулахаас хэтрүүлэхгүй байна.
Төрд ажилласан ямар ч туршлагагүй, Монголын хэвлэлийн магнат Б.Батцэцэг гэх бизнесмэнийг 2016 онд Ж.Эрдэнэбатын Засгийн газарт тухайн үеийн Шадар сайд, өдөөгийн Ерөнхийлөгч дэмжиж Гадаад харилцааны Дэд сайдын суудал өгч байв. Тэр цагаас хойш энэ салбараас яваагүй, гадаад харилцааг толгойлсоор ирсэн Б.Батцэцэг сайд Монголыг дэлхийд таниулахсан, Монголын эдийн засгийг тэлэхэд үүрэг гүйцэтгэхүйц ямар ч ажил хийсэнгүй гэж мэргэжлийн дипломатчид шүүмжилж байна. Тэгэхээр гангалахаас өөр шидгүй Гадаад харилцааны сайд аа огцруулмаар байна, Ерөнхий сайд аа.
Сэтгэгдэл ()
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!