-НҮҮРСНИЙ 39 ГЭРЭЭГ ХИЙХЭД БҮГДЭД НЬ Г.ЗАНДАНШАТАР ӨӨРӨӨ ОРОЛЦСОН, ТҮҮНИЙГ Ч ШАЛГАХ ХЭРЭГТЭЙ-

“Эрдэнэс Тавантолгой", "Бодь" групп, БНХАУ-ын компаниуд гээд гурвалсан гэж болох нүүрсний нууц гэрээг Ерөнхий сайд Г.Занданшатар нийтэд ил болгоно гэснээр өнөөдрөөс олон нийт хүрч байна. Нийт 39 гэрээний 31 нь “Бодь” групп хийсэн байна. Тус 39 гэрээнээс 2019 онд хийсэн ганцхан гэрээ бий. “Тавантолгой Гашуунсухайт” төмөр замын бүтээн байгуулалтад зориулан, 15 сая тонн нүүрсний гэрээг хийжээ. Энэ бол яах аргагүй хамгийн том гэрээ бөгөөд Х.Баттулга ҮАБЗ-ийн дарга байхдаа зүтгүүлсэн гэрээ мөн. Өөрийнх нь далан шороо овоолж орхиод хэдэн зуун сая ам.доллар гусчихсан гэдэг төмөр зам шүү дээ.

Үүнээс 2020 онд дөрвөн гэрээ хийж. Бусад нь 2021, 2022 онуудад хийсэн гэрээ байна. Ихэс дээдэс маань дундаа зодолдоод Ерөнхий сайд маань нууц 39 гэрээг гаргаад иртэл өөрөө энэхүү 39 гэрээг нууц байдалд хийхэд УИХ-ын даргаар ажиллаж байжээ. Өнөөдөр л “Ил болгоно, будилаантай гэрээ” гэх мэтээр мэдэгдэл хийж байгаа ч өөрөө ҮАБЗ-д байсан гэхээр юу болох вэ.

Өөрөөр хэлбэл үнэхээр буруу гэрээ, болохгүй байсан юм бол УИХ-ын дарга, ҮАБЗ-ийн гишүүнд татгалзаж болиулах эрх нь байсан ш дээ. Тухайн үед бүрэн эрх нь байхад хүлээн зөвшөөрч нууц гэрээнд оролцчихоод өнөөдөр үгүйсгээд байгааг юу гэх вэ.

Тухайн үед буюу 2019 онд Ерөнхийлөгчөөр Х.Баттулга, Ерөнхий сайдаар У.Хүрэлсүх, УИХ-ын даргаар Г.Занданшатар ажиллаж байв. Ийнхүү Х.Баттулга 2021 онд Ерөнхийлөгчөөс бууж У.Хүрэлсүх Ерөнхийлөгчөөр, Л.Оюун-Эрдэнэ Ерөнхий сайдаар, Г.Занданшатар аанай л УИХ-ын даргаар ажиллаж байсан гэхээр энэ бүгдэд Г.Занданшатар өөрөө холбоотой. Тэгэхээр Г.Занданшатар нүд рүүгээ хуруугаа хийчихлээ. Харин одоо УИХ-ын дарга Д.Амарбаясгаланг ч шалгах байх, нууц гэрээтй холбоотойгоор бүрэн эрх ч үгүй Г.Занданшатарыг ч шалгах хэрэгтэй.