“Эрдэнэс Монгол” компанийн Гүйцэтгэх захирал С.Наранцогтыг Монголбанкны Ерөнхийлөгчөөр дэвшүүлэн томилж байгааг МАН-ын бүлгийн хуралдаанаар хэлэлцсэн байна. С.Наранцогт гэж хүнд Монгол Улс ямар өртэй юм. Энэ ард түмэн ямар өртэй юм. Уул уурхайн 31 компанийг нэгтгэсэн “Эрдэнэс Монгол” компани тэдний татаасаар амьдардаг бөгөөд уг мөнгөөр Төрийн бүхий л өндөрлөгүүдийн угжсныхаа хариуд ийнхүү Монгол Улсын мөнгөний авдрыг тонохоор ирж байгаа хэрэг.

Ард түмний баялаг болох уул уурхайн мөнгийг менежментийн компани нэрээр дээрэмдэж, ард түмэнд бус ихэс дээдэст тал засахад зориулж ажилласан С.Наранцогтод Монголбанкыг өгчихөөд юу бодож суух юм. Монголбанк бол Монгол Улсын мөнгөний бодлогыг барьж байдаг газар. Энд улсын бүх сан хөмрөг бий. Энэ айлын ямар байхаас шалтгаалж, улс орны эдийн засаг, ард түмний амьдралын асуудал шийдэгдэнэ гэсэн үг. Гэтэл компани тонож байсан нэг муу дээрэмчин томилчихоор юу болох вэ. Одоо өгсөж ядан буй инфляц тэнгэрт гарна. Бүрдэж ядан буй валютын нөөц дундарна. Барин ядаж байгаа ам.долларын ханш өгсөнө. Ханш нь суларч барин алдаж байгаа монгол төгрөгийн ханш суларч цаас болно. С.Наранцогтоос ийм л зүйл хүлээхээс өөр аргагүй.