Хорватын Загреб хотын дэвжээнээс Дэлхийн аваргын хүрэл медалийг Тогтохын Алтжин 59 кг-ын жинд хүртлээ. Мөрөндөө хүнд бэртэл авч, олон сарын турш барилдах боломжгүй байгаад эдгэж, эргэн дэвжээнээ гарсан тамирчин бүсгүй маань хүрэл медалийн төлөө ОХУ-ын бөх Анастасия Сидельниковаг 8:4-өөр яллаа. Шөвгийн 16-д Казахстаны Виктория Хусайноваг 9:1-ээр, шөвгийн наймд Германы Елена Брюггерийг цэвэр ялсан. Харин шөвгийн дөрөвт Японы Сакура Онишид ялагдаж, хүрлийн төлөө барилдахаар шалгарсан юм. Дэлхийн аваргын хүрэл медаль хүртчихээд дэвжээнээс нулимстай буугаад багшдаа тэврүүлэхдээ "Багшдаа баярлалаа" гэж хэлсэн нь баярт мөчийг улам чимсэн сэтгэл догдлуулам агшин байлаа. Монголын чөлөөт бөхийн баг тамирчид одоогийн байдлаар нэг мөнгө, нэг хүрэл медалийг энэ удаагийн ДАШТ-ээс хүртээд байна.
Сэтгэгдэл ()
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!