Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Улаанбадрах сум үүсэн байгуулагдсаны түүхт 100 жилийн ойн баяр наадам болж байна. Засгийн газрын шийдвэрийн дагуу 1924 оноос орон нутаг засаг захиргааг шинэчлэн байгуулах тухай шийдвэрлэж Мэргэн вангийн хошууны Ардын төлөөлөгчдийн хурлаар дөрвөн сум, 12 баг, 59 аравт, 6107 хүн амтай Хутаг уулын хошууг зохион байгуулжээ.

Тэр үед Улаанбадрах сумын өрхүүд Өлзийт баг нэртэй Хутаг уулын хошууны Цээл суманд харьяалагдаж байжээ. Удалгүй нэг жилийн дараа шинээр сум байгуулах санаачилга гаргаж хөдөлмөрчдийн хурлыг 1925 онд хийж, Цээл сумаас тасран Улаанбадрах сумыг Өлзийбадрах нэртэй үүсгэн байгуулсан түүхтэй ажээ. Харин Улаанбадрах сумын түүхт 100 жилийн ойн баяр наадамд улс бүсийн наадамд нэр нь тодорч айрагдаж түрүүлээгүй ч цээжинд уралдсан зарим морьдыг түрээсээр авчиран нэр дээрээ уралдуулж байгааг эх сурвалж дуулгаж байна. Тодотговол, нутгийнхаа наадмыг өөрсдөө хүртэх гэсэн явцуухан санаа нь ийнхүү нутгийн ойн баяр наадмын нэр хүндийг унагааж байна гэв.