УОК-ын Нарийн бичгийн дарга, хурандаа Т.Баярхүү, ОБЕГ-ын Гал түймэртэй тэмцэх газрын дарга, хурандаа Ц.Нямбаяр нар Сэлэнгэ аймгийн Мандал суманд ажиллаж, аймгийн Онцгой комиссыг хуралдуулан, холбогдох үүрэг чиглэлийг өглөө.
Сэлэнгэ аймгийн хэмжээнд өнөөдөр өглөөний байдлаар Хүдэр, Мандал, Ерөө, Түшиг сумын нутаг дэвсгэрт 24 түймрийн голомттой байв. Харин үдээс хойшхи нөхцөл байдлын мэдээгээр бол зарим түймрийг цурманд оруулснаар 15 түймрийг унтраахаар ажиллаж байна. Онцгой байдлын газрын 276 алба хаагч, 10 техниктэй, орон нутгаас 204 хүн 24 техник, нийт дээрх голомтуудад 480 хүн 34 техник хэрэгсэлтэйгээр дайчлагджээ. Түймрийн нөхцөл байдал, авч хэрэгжүүлж байгаа арга хэмжээг удирдлага, зохион байгуулалтаар хангаж, хүн, хүч хэрэгслийг хуваарилан, бэлтгэл бэлэн байдлыг хангуулж, цаашид анхаарах асуудлын талаар УОК болон аймгийн Онцгой комиссынхон хэлэлцэж байна.
Сэтгэгдэл ()
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!