Өмнөговь аймгийн Засаг дарга Н.Энхбат найзыгаа Худалдан авах ажиллагааны газрын даргаар томилчихоод тендерийг зоргоороо “цуслаж” байна. Олон жилийн турш худалдан авах ажиллагаанд ажиллаж байгаа Э.Ганхуяг, Н.Энхбатын ангийнх нь хүүхэд “хулгайн” замаар тендерийг зохицуулж өгдөг авлигачин бололтой. Төрийн хяналтын тухай хуулийн дагуу энэ сарын 1-нээс өмнө тендерүүдийн гэрээ хийгдэх ёстой болсон нь мафижсан тендерийн хулгайч нарт жинхэнэ ногоон гэрэл асаачихлаа. Өмнөговь аймгийн хэмжээнд өндөр дүнтэй гэрээнүүдэд нийтдээ 30 гаруй гомдол Сангийн яаманд очоод байна.

Энэ бүх гомдол нь Э.Ганхуягийн шалгаруулалтын даргаар ажилласан тендерүүд. Тэр өнгөрсөн жилүүдэд ч, өнөөдөр ч ердөө хоёр компанийг тендерт ялуулж иржээ. Нэг нь компани нь төрсөн дүү Э.Очирхуягийн “Хуяг Эрчим” ХХК-иар дамжуулан, хоёр жилийн хугацаанд 6.2 тэрбум төгрөгийн 30 гаруй цахилгааны тендерт дүүгийнхээ компанийг ялуулсан байгаа юм. Улаан цайм хулгай гэдэг л энэ. Э.Очирхуяг хулгайн мөнгөө угаахын тулд ИТХ-ын ажлын албанд ажилладаг эхнэрийнхээ нэр дээр НҮҮДЭЛ гэх катеринг, ресторан нээх гэж байна. Биднээс хулгайлсан мөнгөөрөө ресторан бариад бидэнд эргүүлээд хоол хийж зараад ашиг олох юм гэнэ. Мөн их доромжлол оо.

Үүгээр ч зогсохгүй Э.Ганхуяг нь одоо бүр цагаандаа гарч аав Энхээгийнхээ компанийг тендерт ялуулдаг болсон гэх. Үгүй ээ, мөн хэмжээгүй эрх дархтай юм аа. Үүнээс нь аймгийн Засаг дарга Н.Энхбат 10 хувийн авлигаа гаргаад авчихдаг гэж байгаа. Энэ Н.Энхбат болон Э.Ганхуяг нарын тендер “хусдаг” хулгайчдын мафийн дараагийн гишүүн нь Б.Чинбат гэж нөхөр. Энэ нөхөр гэр рүүгээ засмал зам тавьж, асар том эдлэн газар, хаус байшин бариад баяны дүрд хувилчихсан яваа нь тендерийн хулгай нь шүү дээ.

Хуулийн дээр гишгэж, төрийн мөнгөөр хэтэвчээ цүндийлгэдэг Б.Чинбат эхнэр Номинцэцэгийнхээ нэр дээр байдаг “Говийн анир” компаниар дамжуулан 21 удаагийн тендэрт ялж, 4,2 тэрбум төгрөг хулгайлсан хулгайг нь “Opendata” сайтаас ороод харахад тэнэг хүн ч мэдэхээр ил байна. Гайхалтай нь АТГ ийм ил цагаан хэрэг дээр нүдэн балай чихэн дүлий байгаа юм.

Тус аймгийн тавдугаар багийн иргэд Б.Чинбатын хулгайч, худалч, галзуу, солиотойг нь мэддэг учраас сонгуульд итгэл хүлээлгээгүй. Гэтэл Засаг дарга Н.Энхбат нь “Дата төв”-ийн даргаар томилдог юм гэнэ. Өнөөх Б.Чинбат нь төрийн өмчийг хувийнхаа юм шиг ашиглаж, даналзаж байгааг харахад ямар уур хүрмээр юм. Энэ төрд хяналт, хулгайчуудад хариуцлага гэж зүйл хумсын толион чинээ ч алга байдаг ажээ.

Өмнөговийн зартай нөхөр Батхишиг, түүний хүү аймгийн ИТХ төлөөлөгч Б.Тэнгис нарыг тойрсон тендерийн будлиан ч өрнүүн. “Эрдэнийн гүн” ХХК нь урд нь орон нутгийн хөрөнгөөр хүүгүй зээл авч, ноосны үйлдвэр байгуулсан, төрийн албан хаагчдын 160 айлын орон сууц, хамгийн сүүлд найман тэрбумын Нутгийн удирдлагын ордны тендерийг дарамтлах замаар авчихсан тухай ч ярьж байна. Үүнд нь маргаан үүсчихсэн явж байгаа аж.

Эдэгээр нөхдийн хулгай дээрэмд хязгаар үгүй. Н.Энхбат, Э.Ганхуяг нар өөрсдийнхөө хамаарал бүхий хүүхнүүддээ тендерээр бэлэг барьдаг гэх яриа ч хоосон зүйл биш л болов уу. Нэг жишээ нь аймгийн Хөгжлийн бодлогын хэлтсийн барилгын салбар хариуцсан мэргэжилтэн М.Мөнхмаа үе үеийн дарга нартай нэр холбогдож явдаг нь Н.Энхбат, Э.Ганхуяг нарыг тойроогүй бололтой. М.Мөнхмаа нь төрсөн аав болон төрсөн ахынхаа “Эрхэс баян говь” ХХК, “Гал мөнх” ХХК Засаг дарга, Худалдан авах ажиллагааны дарга нартайгаа нэр холбогдон авдаг шан харамж бололтой. Ёстой л “Хүрээний бузрыг ухвал далай, далай” гэдэг шиг Засаг дарга Н.Энхбат түүний баруун гар Э.Ганхуяг нарын тендерийн мафийн хулгайг бичвэл ном товхимол болно. Нэг аймагт ийм хулгай авлига олон жил үргэлжилж байхад АТГ яагаад чимээгүй байна вэ.

Үргэлжлэл бий...