Л.Оюун-Эрдэнэ ашиг сонирхлын зөрчилтэй, тэрбумтан Б.Дэлгэрсайханыг удаа дараа сайдын суудалд томилоод байсан. Харин хариуд нь Ерөнхий сайд үеэлийнхээ нэр дээр 100 ширхэг чингэлэг эзэмшиж, үүнийгээ цааш нь түрээлслэн ашиг олж суудаг аж. Мөн эргээд Л.Оюун-Эрдэнэ Б.Дэлгэрсайханд 226 километр төмөр замын концесс бэлэглэсэн гэх мэдээлэл ч байна.

Тэгэхээр нь Б.Дэлгэрсайхан дахин хариу барьж, Зам тээвэр хөгжлийн сайд болмогцоо 2024 оны наймдугаар сарын 1-нд Монголын компани, аж ахуйн нэгжүүд Монгол Улсад түрээсээр ашиглах зорилгоор гаднаас ачааны болон тавцант вагон оруулж ирэхийг нь хоёр жилийн хугацаанд хориглосон тушаал гаргасан байдаг Мөн гагцхүү дотоодод ашиглагдаж байгаа түрээсийн вагонуудыг түрээслэхийг хатуу үүрэгдсэн байдаг. Сайхан бэлэг.

Л.Оюун-Эрдэнийн бэлэглэсэн 226 километр төмөр замыг тавихын тулд Зам тээвэр, хөгжлийн яамны нэр дээр Хөгжлийн банкнаас 750 тэрбум төгрөгийн зээл авч, ажлаа эхлүүлчихсэн бололтой юм. Төрийн алба, сайдын албан тушаал бол нэг ийм бэлгийн замаар л явж байна.

Ер нь бол Л.Оюун-Эрдэнийн 14 мега төсөл, сайдын суудал, бусад төслүүд ийм л бэлэглэлийн замаар явж байна. Нэг километр төмөр зам тавихад хоёр сая ам.доллар зарцуулна. Хэмнээд шүү. Хэрвээ Л.Оюун-Эрдэнэд УИХ итгэл үзүүлэхгүй бол Б.Дэлгэрсайхантайгаа, төмөр замтайгаа далд орцгоох байх. Харин Хөгжлийн банкнаас авсан 750 тэрбум төгрөг татвар төлөгчдийн нуруун дээр өр болж үлдэх магадлал ч байна. Үнэн хэрэгтээ Б.Дэлгэрсайхан сайдын бэлгэнд авсан 110 километр төмөр зам Багахангайгаас Хөшигтийн хөндий хүрээд зогсоно. Эдийн засгийн хувьд ямар ч үр ашиггүй мухар зам гэсэн үг. Өөрөөр хэлбэл 220 сая ам.доллараар хэзээ байгуулагдах нь мэдэхгүй Хүннү гэх дарга даамлаа томилчихсон хот хүрэх төмөр замыг Б.Дэлгэрсайхан барихаар улайрч байгаагийн цаана өнөөх л "бэлгийн" гэх ач холбогдол өндөр байгаагаас улс орны эдийн засагт өгөх үр өгөөж, хохирол энэ тэр бол хамаагүй бололтой.

Ц:Цэнгэл