Нийгэмд танигдах гэсэн пиараа хэтрүүлж, олон түмнийг эмзэглүүлж, Төв цэнгэлдэхийн захирлаар ажиллаж байсан Ж.Энхжаргалан “Лайвчин” Д.Мөнх-Эрдэнэтэй зодолдож, хоригдсон байдаг. Энэ бүхнээс үүдэн өөрийн хүсэлтээр ажлаа өгсөн гэх мэдээлэл байдаг. Гэхдээ өөрийн хүсэлтээр гэж байгаа боловч дээрх удирдлагуудаас шахаанд оруулсан учраас өргөдлөө өгсөн аж. Түүний оронд Д.Лхагвадулам гэх эмэгтэй Төв цэнгэлдэхийн захирлаар томилогдож, албан үүргээ гүйцэтгэж байна. Шинэ захирлын хувьд урьд өмнө ямар алба хашиж байсан нь тодорхойгүй, хэвлэл мэдээллийн байгууллагад ямар нэг намтар түүх бүү хэл мэдээ мэдээлэл ч байхгүй эмэгтэй юм.
Харин эх сурвалжийн хэлж байгаагаар Д.Лхагвадулам нь Хотын дарга Х.Нямбаатартай эртнээсээ бизнесийн хамтрагч байсныг хэллээ. Тэр тусмаа Х.Нямбаатарыг өндөр авахаас өмнө барилгын салбарт хамтран ажиллаж байсан бизнесийн түнш учраас Төв цэнгэлдэхийн захирлаар томилогдсон гэх мэдээллийг өгсөн юм. Тэгэхээр Ж.Энхжаргалангийн асуудлаар далимдуулан, Х.Нямбаатар шахаанд оруулж, бизнесийн хамтрагчаа томилсон байж болох юм.
Songolt.mn
Сэтгэгдэл ()
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!