Хил хамгаалах ерөнхий газраас зөвшөөрөл олгож Дорнод аймгийн Матад сумын Эрдэнэбадрах багийн нутаг хилийн бүсэд БНХАУ-ын хөрөнгө оруулалттай компани хадлан хадаж байна. Хилийн цэргийн командлагч Ж.Бямбасүрэн Монгол Улсын нутаг дэвсгэр, хил хязгаарыг хариуцан ажиллах үүрэгтэй болохоос хятадуудад Монголын газар нутгийн өвс, эмийн ургамлыг хадаж авах эрх өгөөд сууж байх хүн биш. Нутгийн иргэдийн өгсөн мэдээллээр Хятад компани нь 60 гаруй трактортой, 20 гаруй гэртэй 100 орчим ажилтантай тухайн орчмыг хуу хаддаг гэв.
