Азийн давхар даатгагчид андеррайтингийн мөчлөгийн төрөлжүүлэх, илүү оновчтой удирдах зорилгоор гадаадын төлөвшсөн зах зээл дэх оролцоогоо нэмэгдүүлж байна гэж AM Best агентлагийн шинэ тайланд дурджээ.

AM Best агентлаг төрөлжилт нэмэгдүүлэх энэ чиг хандлагыг салбарын хувьд эерэг хөгжил гэж тодорхойлсон байна. Тайланд дурдсанаар, AM Best Asia Reinsurance Composite-д багтсан ихэнх давхар даатгагчид 2024 онд цэвэр орлогоо өсгөсөн бөгөөд тэдгээрээс Хятадын давхар даатгагчид хамгийн өндөр өсөлттэй ажиллажээ.

Сүүлийн 10 жилийн хугацаанд Европын тэргүүлэх давхар даатгагчид Ази-Номхон далайн бүсийг төрөлжилт болон өсөлтийн гол бүс нутаг хэмээн тодорхойлсоор ирсэн байна.

«Ази, Номхон далайн давхар даатгагчид ч мөн адил стратеги баримталж, гадаадын зах зээл дэх оролцоогоо эрчимтэй тэлж байна» хэмээн AM Best агентлагийн ахлах захирал Кристи Ли онцолжээ. Тэрээр Хятадын эдийн засгийн өсөлтийн хурд саарч, Япон, БНСУ зэрэг төлөвшсөн зах зээлүүд хүн ам зүйн болон эдийн засгийн сорилттой тулгарч буй энэ үед Хойд Азийн голлох давхар даатгагчид өсөлтөө хадгалах, эрсдэлээ төрөлжүүлэхийн тулд олон улсын зах зээл рүү улам бүр чиглэж буйг онцлон тэмдэглэсэн байна.

Тайланд дурдсанаар, андеррайтингийн оновчтой шийдлийн үр дүнд давхар даатгагчдын өөрийн хөрөнгийн өгөөж нь 2023 онд эхэлсэн өсөлтийн хандлага үргэлжлэн 2024 онд 11.3% болж өсжээ. Сингапур болон Өмнөд, Зүүн Өмнөд Ази дахь давхар даатгагчид 2024 онд өндөр орлоготой ажилласан нь түүхэн дээд түвшинд ойрхон хэвээр байна.

AM Best агентлагаас тэмдэглэхдээ, “2023 онд Азийн давхар даатгагчдын үзүүлэлтүүд сайжрахад гамшгийн хохирол багассан болон хөрөнгө оруулалтын орлого өссөн нь голлон нөлөөлжээ. Бүс нутгийн давхар даатгагчдын хосолсон харьцаа 94.5%-аас 91.6% болж буурсан бол өөрийн хөрөнгийн өгөөж 2022 онд 0.1% байснаас 2023 онд 9.2% болж өссөн байна.

Эх сурвалж: http://www.insurancebusinessmaq.com