Төрийн өмчит уул уурхайн 31 компаниас татаас авч суудаг “Эрдэнэс Монгол” компанийн Гүйцэтгэх захирал С.Наранцогт МҮОНТ-ийн “Манлайлагч” нэвтрүүлэгт орчихсон яриад сууж байгааг хараад өөрийн эрхгүй инээд хүрэх. Уг нь тус нэвтрүүлэгт хийсэн бүтээсэн баялагтай хүмүүс л ноёлж байдаг санагдах. Гэтэл нэгэн насаараа төрөөс “шимсэн” нэг нөхөр ажиг ч үгүй яриад сууж байх юм. Одоо ч уурхайчдын хөлс хүчээс “сороод” сууж байгаа л нөхөр биз дээ.

Энэ хүн Монгол Улсад цалингаараа нэг манлайлах байх, тендерчдийн багаараа нэг манлайлах байх, бусад болох болохгүй зүйлээрээ нэг манлайлах байх. Өөр юугаараа манлайлах юм бэ. “Эрдэнэс Монгол” гэж компани байсан байгаагүй уул уурхайн компаниуд менежментээ хийж ирсэн, цаашид ч хийгээд явчихна. Энэ бол зүгээр С.Наранцогт мэтийн олон албан тушаал, хөрөнгө мөнгөний хэнээтнүүдэд гаргаж өгсөн байгууллага гэхэд хэтийдэхгүй болов уу.

С.Наранцогт бол “Эрдэнэс Монгол” компанийн Дэд бүтэц, ложистикийн газрын дарга Л.Нямбаяр, “Гашуун сухайт автозам” компанийн Гүйцэтгэх захирал З.Амарсанаа, Санхүүгийн Ахлах менежер, Гагшуун сухайт автозам компанийн ТУЗ-ийн дарга Б.Батбаяр нарын олон тендерчдийг дэргэдээ өсгөж бойжуулж байгаа нөхөр гэдгийг эх сурвалж хэлдэг. Яагаад гэхээр эдгээр нөхдийн замын тендер удаа дараа будилуулсан баримт, гишүүд нь дутуу байхад хуралдуулсан Тендерийн хорооны хурлын тэмдэглэлийн тухай хүргэх болно. /songolt.mn/

С.Наранцогт захирал Монгол Улсын хэмжээнд үйл ажиллагаа явуулж байгаа бүхий л хэвлэл мэдээллийн харагдаж болох өнцөг булан бүрээр өөрийгөө гаргасан. Одоо тэр “Унагалдай” нэвтрүүлэгт л орох дутуу байна. Уг нь тэр “Унагалдай” нэвтрүүлэгт орчихвол яг “алах” гээд байна.

Үнэхээр татаас аваад хийх ажилгүй сууж байдаг л захирлын ажил бол энэ. Түүнээс завгүй хүн тэнд ч нэг телевизид яриад, энд ч нэг сонин сайтад яриад цаг наргүй явах ямар ч хэрэг алга. Нөгөө талаар их мөнгөтэй байна гэсэн үг.

Тухайлбал, “Эрдэнэс Монгол” компанийн дэргэд байдаг студийн тоног төхөөрөмж хүчин чадлын хувьд ч Монголдоо толгой цохих техник хэрэгсэлтэй. Магадгүй Засгийн газрын хэвлэлийн албанаас ч том байгааг мэргэжлийнхэн хэлнэ лээ. Техник хэрэгслийн үнийн жагсаалтыг гаргасан ч болно.

С.Баяр