Нийгэм эдийн засгийн байдал тун ч таагүй байна. Экспортын гол нэрийн бүтээгдэхүүн, манай төсвийн орлогыг бүрдүүлж байгаа нүүрсний үнэ унасан, хятад улсад төмрийн үйлдвэрлэл саарсан зэрэг нь бүр ч хүнд тусаж байгаа. Гэтэл Зам, тээвэр хөгжлийн сайд Б.Дэлгэрсайхан говийн бүсийн чиглэлд уул уурхайн тээвэрлэлтийг бүрэн зогсоож, хяналт шалгалтыг өнөөдрөөс эхлүүлжээ. Шалгаж болно. Л.Оюун-Эрдэнийн танхимын хэдэн сайд нарт хийж бүтээх зүйл байхгүй болохоор зүдэрсэн түмнийхээ ажлыг гацааж зогсоож, буулгаж нурааж, эсвэл татвараар дарамтлахаас хэтрэхгүй юм. Үнэхээр л шалгах гээд байгаа бол Б.Дэлгэрсайхан ч өөрөө чингэлэг тэрэгнээс эхлээд автомашины тээвэртэй. Мянгаар тоологдох чингэлэг тэрэгтэй сайд тэгэж л шалгаж зогсоох дуртай юм бол өөрийнхөө тээврийг зогсоогоод шалгах хэрэгтэй.

Учир нь Монгол Улсын болон олон улсын стандарт дүрэм журмаар олон улс, улсын чанартай хатуу хучилттай авто замаар замын хөдөлгөөнд оролцох тээврийн хэрэгслийн бүх жингийн дээд хязгаарыг “Автотээврийн хэрэгслийн ангилал. Техникийн байдалд тавих ерөнхий шаардлага” MNS4598:2025 стандартад заасны дагуу зургаан тэнхлэгтэй буюу бодит жин нь 44 тоннтой тээврийн хэрэгслүүд зөвхөн нийтийн хэрэгцээний замаар замын хөдөлгөөнд оролцуулахаар тогтоосон. Харин нийтийн хэрэгцээний замаар зорчих үеийн тээврийн хэрэгслийн бодит жин нь 44 тонноос дээш даацтай тээврийн хэрэгслүүд нийтийн хэрэгцээний бус зам буюу тусгай зориулалтын замаар хөдөлгөөнд оролцох юм байна. Харин тээврийн хэрэгсэл нь энэ бүх жингийн даац хэмжээг хэтрүүлж тээвэрлэлт хийж байгаа учраас зогсоож байгаад шалгалт хийх юм гэнэ.

Уг нь энэхүү шалгалтыг бултаар нь зогсоож, иргэдийнхээ амьдрал ахуйд саад болж байхаар тээвэрлэлтийн дундуур ч юм уу, хэсэгчлэн шалгаж болно. Ард түмний амьдрал ахуй ямар байгаа билээ. Шалгуулаад хэдэн өдөр зогсох бүү хэл нэг цаг ч алдаж болохгүй тийм зүдүү амьдарч байна. Гэтэл улсаасаа баян шахам сайд маань энэ зовлонг ойлгохгүй байгаа бололтой.

SONGOLT.MN