Г.Дамдинням гэх УИХ-ын гишүүн Монголын Оюутны холбоо, МАН-ын дэргэдэх залуу луйварчдын нэгдлээр дамжин, нэгэнтээ Боловсролын сайдын зөвлөх, ШУТИС-ийн Нийгмийн хөгжлийн проректороор ажиллаж, эцэст нь хууль бус үйлдэлдээ “аав”-ын хаалга татахдаа тулж байсан арай ч нэг дээлээ нөмрөлгүй, Боловсролын зээлийн сангаас мөнгө авч гадагшаа зугтсан гэх.

Сүүлдээ луйвар нь томорч Хөгжлийн банкнаас найзаараа дамжуулан, 33 тэрбум төгрөгийн зээл авч, УИХ-д ороод ирсэн нөхөр. Өдгөө УИХ-д хоёр дахь удаагаа сонгогдчихоод сууж байна.

Харин Г.Дамдинням УИХ-ын гишүүнээр ажилласан дөрвөн жилд ихээхэн хөрөнгөжиж чадсныг Хөрөнгө орлогын мэдүүлэг бусад мэдээ мэдээллээс харж болно. Түүнд ийн хөрөнгөжих боломж байхгүй. Ямар нэг үйлдвэрлэл эрхэлж бизнес хийгээгүй. Гол төлөв халмагдуухан чуулганы хуралдаан, Төрийн ордонд харагддаг гишүүдийн нэг. Тэгвэл тэр 2020 онд УИХ-д анх сонгогдохдоо автомашингүй байсан бол 2024 онд дахин сонгогдохдоо 299 сая төгрөгийн автомашинтай болж, үндсэн хөрөнгө нь нийт 1.3 тэрбумаар нэмэгдсэн гэдгээ хөрөнгө орлогын мэдүүлэгт дурдсан байна.

Ер нь бол УИХ-д дөрөвхөн жил суугаад хөрөнгө орлого нь 1.3 тэрбум төгрөгөөр өссөн төдийгүй “Эм-Си-Эс”-ийн барьсан 2.8 тэрбум төгрөгийн өртөг бүхий хаусанд амьдарч, Дархан-Уул аймгийн нутаг дэвсгэр дээр алтны хоёр ч лиценз эзэмшдэг гэх мэдээлэл гарах боллоо. Тэгэхээр өнөөдөр Ерөнхий сайдаасаа эхлээд хөрөнгийн эх үүсвэр орлогоо нотлох их аянд мордсон учраас Г.Дамдинням ч энэ бүхнээ нотолж тайлбарлах цаг нь болсон болов уу. Энэхүү мэдээлэлтэй дөрөө харшуулан, дархан-уулчууд ч хөрөнгө орлогоо нотлохыг шаардаад эхэлжээ.

SONGOLT.MN